Steini og Sara blogga!!

Á leiðinni til USA í sumar

2008-02-28T10:34:00.004Z

Jæja þá er loksins komið að því, það er komið lokasvar frá Caltech háskólanum og ég fæ að taka þátt í SURF programinu!!!
Fyrir ykkur sem vitið ekki alveg um hvað málið snýst þá sótti ég um að fá að taka þátt í SURF verkefninu í Caltech í vetur og fékk sem sagt inn. Verkefnið snýst um það að vinna á labba hjá dr. Marianne Bronner-Fraser sem er að rannsaka hnoðakambsfrumur sem eru nokkurskonar taugastofnfrumur. Þetta er mjög skemmtilegt og krefjandi verkefni í einum af bestu háskólum heims!

Jæja verð að fylgjast með í tíma...varð bara að deila þessu með ykkur

2008-01-24T22:55:00.000Z

Sælir vinir, það er sko nóg að gera hjá okkur þessa dagana...

Sara er á fullu í skólanum, hún er aðallega í labbanum þessa dagana "Doing her evil experiments, múhahaha!!" neinei, Veiru og bakteríuræktun, DNA splæsingu, gersveppa-greiningu, eitthvað af þessu. Ég dett alltaf út þegar ég spyr hana hvað hún gerði í dag, það er svo flókið og svo margar skammstafanir að ég er bara hættur að spyrja!!

Hún hefur tekið að sér að kenna einhvern fjandann. Mér finnst það mjög gaman að hún er að kenna samnemendum sínum og fólki sem er komið lengra en hún í námi.

Ég er að vinna að óperuverkefni í LHÍ. Við ætlum að sýna senur úr óperunum Carmen og Der freischutz og erum á fullu að vinna í því þessa dagana, sýnt verður í febrúar. Svo í sama mánuði byrjar óperustúdíó Íslensku óperunnar sem ég er í kórnum og verkið er Cosí fan tutti. og verður sýnt í byrjun apríl.

En annars voða lítið að frétta... Bogi besti vinur minn og æskuvinur var að verða pabbi, til hamingju með það, hann eignaðist strák með Hrund, unnustu sinni. Bróðir minn var líka að eignast son þann 2. nóvember, Hrönn systir Söru er ólett og komin 5 mánuði á leið, Júlía kona Villa bróðir söru er einnig ólétt og svo er frænka mín og nágranni einnig ólett.

Ég held það sé eitthvað baby boom í gangi hérna, maður er farinn að fá pressu til að gera það sama!! En engar áhyggjur við erum ekkert að flýta okkur, Við erum ekki einusinni farin að hugsa um það.

Til hamingju með það öllsömul!!

Margrét Brynja með Sigurð Helga Hlöðversson

Takk fyrir og góða nótt kveðja Steini Stuð

Árið 2008

2008-01-01T02:36:00.001Z

Við þökkum ykkur öllum fyrir liðin ár og óskum ykkur farsældar á nýju ári...
Einnig erum við búin að setja inn fullt af nýjum myndum á myndasýðuna, skoðið linkinn steini og sara myndir neðarlega til hægri. Mjög flottar og skemmtilegar myndir.

Kveðja Sara og Steini

Gleðilegt nýtt ár

2008-01-01T01:01:00.000Z

Jæja þá er komið að því...nýtt ár er hafið. Við skulum vona að þetta ár verði jafn æðislega skemmtilegt og það liðna. Allavega er margt á plönunum hjá mér á þessu nýja ári þar á meðal er að byrja í mastersnámi og jafnvel ferðast eitthvað erlendis hvort sem það verður til vinnu eða leiks.
Jólin eru búin að vera mjög skemmtileg, mikið borðað og mikið hlegið. Helstu brandararnir hérna heima hjá mömmu og pabba hafa verið sæll og eigum við að ræða þetta eitthvað frekar. Sagan var nefnilega þannig að mamma fór að þvo bílinn á bílaþvottastöð sem kostaði svolítið mikinn pening að hennar mati. Þegar hún kom til baka spyr pabbi hvað þetta hafi kostað og hún segir ,,sæll, eigum við að ræða þetta eitthvað frekar. Ég setti næturvaktina inn á flakkarann hans pabba svo hann gæti nú horft á þessa margfrægu þætti. Svo var þetta búið að vera í gangi allan morguninn. Búnir voru svona 8 þættir í röð þegar mamma sagði ,,hvað er bara verið að sýna þessa þætti endalaust, er bara engin pása" hún var ekkert að átta sig, þó svo að það kæmi loading á milli hvers þáttar að verið væri að spila þetta af flakkaranum. Hélt greinilega að einhver hefði verið svo góður að borga af stöð 2 yfir jólin.
Á aðfangadagskvöldi í Langholtinu var mjög góðmennt, og voru pakkarnir ekki af slakara taginu. Þar má helst nefna snjóbrettið, brettaskona og bindingarnar frá mömmu, pabba og Steina. Svo Arna mín við verðum nú að fara að drífa okkur í Bláfjöll eða jafnvel bara í smá ferð til Akureyrar. Áramótin voru ekkert siðri þar sem hann Steini minn var nú kominn í heimsókn til okkar til að fagna nýju ári. Fóru þá pabbi og Nonni bróðir inn í sveit og keyptu þar stærsta flugeldapakkann sem tók þó ekki mjög langan tíma að sprengja í tætlur þar sem við höfðum gott fólk í þetta.

Kveðja Sara

P.s. ég set hér inn video af Helgu systir að renna sér í snjónum á jóladag...rosastuð greinilega þó það hefði verið svolítið old fashion stíll á þessu.

Jólin að koma...

2007-12-20T22:27:00.000Z

Jæja minna en mánuður síðan kallinn bloggaði þvílíkt afrek það, ákvað samt að setja inn blogg í tilefni þess að vera búin í prófum og því að hafa smá tíma fyrir mig sjálfa. Margt búið að gerast þessa síðustu daga og ég er bara alveg búin á því, og kannski fáir sem hafa ekki tekið eftir því. Maðurinn sem sat við hlið mér í flugvélinni hafði meira að segja orð á því hvað það væri gaman að fljúga með mér, hvað ég væri góður félagsskapur, en ég svaf bara alla leiðina. Ég sofnaði áður en við fórum í loftið og vaknaði sv þegar við lentum, fyrir utan fimm sekúndur þegar ég vaknaði við það að flugstjórinn varaði við mikilli ókyrrð framundan.

Annars er bara allt gott að frétta af okkur, Steini er á Sigló og ég á Akureyri yfir jólin. Smá tími í sundur gerir manni bara gott, enda hvorugt okkar komist heim síðan um Versló. Talandi um það að koma heim þá kemur Helga systir líka heim yfir jólin, svo það verða víst góð jólin þetta árið mamma og pabbi, Nonni og svo við systurnar og nýji bumbubúinn. En bumbubúinn hennar Hrannar er víst eitthvað óþekkur þessa dagana, hún er alltaf að kvarta yfir verkjum í naflanum, veit ekki alveg hvort það er bara til að gera mér lífið leitt eða hvort það sé svo slæmt í alvöru....fyrir ykkur sem ekki vitið þá er ég með mikla fóbíu fyrir svona nöflum, sérstaklega þeim sem eru útstæðir og ógeðslegir.

Jæja ætli maður verði ekki bara að fara að pakka inn þessum gjöfum sem ég á eftir að koma í pappír....

GLEÐILEG JÓL

Kveðja Sara

Long time no blogg!!

2007-11-22T11:46:00.000Z

Jæja, mig langar bara að láta vita að ég er enn á lífi, og sara líka síðast þegar ég gáði, hún sýndi allavega viðbrögð þegar ég potaði í hana í morgun er hún lá í rúminu. Ég var að koma úr tónbókmenntaprófi, sama hvað maður lærir mikið þá finnst manni maður vera hálfgerð geimvera þegar maður kemur í prófið.
Þetta er síðasti dagurinn minn í skólanum á þessu ári, eiginlega. Já sko sjáiði til, ég er ekki í skólanum á föstudögum, þ.e. á morgun, og í næstu viku verður kynningarvika um hljóðblöndun, gaman gaman. svo er ég alveg búinn, ég lofa. þarf bara að garga eitthvað á jólatónleikum 11. Desember, endilega koma, ég lofa syngja voða sætt, músjímúsjí (: Mætið kl 8, held ég, jú kl 8. Á þessu kvöldi munu syngja 3 nemendur, tveir söngvarar og flautuleikari, en endilega komið á allt, þetta er svona 1 og 1/2 tími. bæbæ elskurnar.

Jæja skolinn byrjaður...

2007-08-28T16:10:00.000Z

Nú er skólinn víst byrjaður hjá okkur báðum, Steini byrjaði þó á mánudaginn í síðustu viku og líkar það bara rosalega vel. Ég byrjaði þó ekki fyrr en í morgun kl. 8:20 en þá var fyrsti fyrirlesturinn minn og byrjar skólinn bara á fullum krafti. Ég verð nú að vinna eitthvað með skólanum þar sem ég get engan veginn slitið mig frá vinnunni, er að skemmta mér svo rosalega vel við að vinna svona á rannsóknarstofunni. Ég er reyndar búin að tala við leiðbeinandann minn um að fá 30 % vinnu núna í haust og eftir áramót tek ég þetta verkefni mitt sem 6 einingar rannsóknarverkefni.

Ég verð nú líklegast að tala um eitthvað annað meira skemmtilegra en vinnuna og skólann, því ég er búin að gera margt skemmtilegt síðustu vikurnar frá því ég bloggaði. Meðal þess helsta er;
- 22 ára afmæliparty hjá Siggu upp á Akranesi, sem endaði með heljarins beili þar sem við vinkonurnar skelltum okkur til RVK á djamm sem endaði svo með því að við fórum bara allar heim að sofa.
- Verslunarmannahelgin þar sem við Steini skruppum ásamt Kötu og Kalla til Akureyrar að hitta fjölskylduna.
-Útilega með Hrönn og Ómari í Húsafelli sem endaði svo í RVK á laugardeginum þar sem farið var á óperutónleika hjá honum Steina mínum. Vel sungið þar!!!

Jæja þá er ég búin að segja frá helstu atriðum sumarsins svo ætli ég láti þetta ekki duga í bili.

Kveðja Sara

2007-07-15T18:00:00.000Z

Góðann Daginn!
Það sem liggur fyrir höndum þennan daginn er að laga til eftir hitting gærkvöldsins þar sem haldið var upp á enn eitt árið! Ég sem sagt bauð nokkrum vel völdum vinum heim til að grilla og spjalla í tilefni afmælisins míns. Þetta var bara mjög gaman og sátum við til c.a. 1 að syngja og spila á gítar en eftir það var haldið niður í bæ, en þar leystist hópurinn fljótt upp sérstaklega þegar afmælisbarnið ákvað að fara heim enda afmælisdagurinn liðinn!

Annars heyrði ég í mömu og pabba í gær, þau voru bara hress enda gekk ferðin hjá þeim bara mjög vel þrátt fyrir takmarkaða ensku kunnáttu. Ég var reyndar búin að undirbúa þau nokkuð vel og voru þau með frábærar leiðbeiningar um það hvernig þau áttu að komast áfram í tengiflugið sitt og miða sem ég var búin að skrifa á tilgang ferðarinnar og annað slíkt fyrir þau til að láta útlendingaeftirlitið hafa. Ég vildi samt að ég hefði verið fluga á vegg í ferðinni með þeim því það hlýtur eitthvað skrautlegt að hafa gerst!

Jæja þá er bast að fara að taka til hendinni enda heilmikið verk framundan ;o)

P.s. hér er mynd af afmælisgjöfunum, buxurnar er frá honum Steina mínum og bolurinn frá stelpunum (Örnu, Katrínu og Siggu) og er ég ótrúlega hrifin með þær báðar!! Svo er hann Jóhannes elskan kannski að fara að prjóna á mig lopapeysu hún verður örugglega geggjuð enda er hann víst alger snillingur með prjónana.Takk krakkar þið eruð best!

Kær kveðja frá ellismellinum Söru

Hæ Hæ, langt siðan siðast

2007-07-11T19:08:00.000Z

Sæl verið þið, ég veit að ég (Sara) hef ekkert bloggað síðan ég kom frá Tælandi svo ég setti inn nokkrar myndir sem segja nokkurn vegin söguna. Endilega allir að skoða þær þar sem ég nenni ekki að skrifa alla ferðasöguna þar sem hún yrði alltof löng og gloppótt, enda orðið svo langt frá því að ég kom heim. Þið finnið myndirnar undir Steini og Sara myndir.
Það sem er efst á pólnum þessa dagana hjá okkur skötuhjúum er íbúðarleit á hæsta stigi og ég held að ég tali fyrir hönd okkar beggja þegar ég segi að þetta er orðið mjög leiðinlegt og þreytandi. Flest allt sem við höfum áhuga á er dýrt eða þegar búið að leigja það út jafnvel þó að við höfum samband við fólkið samdægurs.
Annars á ég von á mömmu og pabba í heimsókn á morgun þar sem þau eru að fara til Bandaríkanna að heimsækja Helgu systir. Þau eiga vonandi eftir að koma heil heim en þar sem það er hásumar þarna úti og allt skraufa þurrt og mjög heitt þá hef ég bara dálitlar áhyggjur af þeim enda ekki lengur nein unglömb.

Ég bið bara að heilsa í bili
Kær kveðja Sara

Sara komin heim jei

2007-06-16T00:24:00.000Z

Sara kom heim á mánudaginn, það var gott að fá hana heim, mér var farið að leiðast svona einn heima, en það hafði þó sína kosti að vera einn eins og þurfti ekki að hafa neinar áhyggjur af því draslinu sem hafði safnast upp í kringum mig.
Ég er enginn sóði samt, ég tók alveg til ég bara gerði ekki eins mikið af því og venjulega, ég tók vel til áður en sara kom heim svo hún fengi ekki fit við að sjá allt draslið.

Þetta gekk vel á laugardaginn með ómari, við fengum mikið lof, það fyndna var að við vorum eiginlega ekkert búnir að æfa okkur saman en samt small þetta svo vel saman. Við erum náttúrulega búnir að spila svo mikið saman að þetta er ekkert mál fyrir okkur. Við byrjuðum að spila kl 9 og spiluðum fyrir dansi nánast streytulaust til 2, þá lokaði húsið og við fórum heim til tengdó í partý.

Ég ætla að sjá til þess að sara bloggi aðeins af ferðum sínum því ég nenni því ekki

Bæbæ

Kallrinn að koma norður

2007-06-07T10:02:00.000Z

Hæ allir, ég er á leiðinni norður um næstu helgi, mér og Ómari var boðið að koma og skemmta í útskriftarveislu Júlíu konu Villa, Ég tek hopp á föstudaginn og fer aftur á sunnudaginn, Það verður gaman að koma norður, það er næstum eins og að koma heim.

Eins og sumir vita þá er Ómar "svili" minn, fyrir þá sem ekki vita hvað svili þá er það maður/kærasti systur konu/kærustu minnar úff!! Hann er semsagt kærasti Hrannar tvíbbunnar hennar Söru. Við skipum trúbatódúett, sem við höfum eiginlega ekki nefnt neitt ennþá, en við höfum verið að spila á Mongó og svo auðvitað verið að skemmta í partíum og svoleiðis. Það er alltaf góð tilbreyting frá óperunni að poppa aðeins í góðum félagsskap.

Þá eru þessi herlegheit búin

2007-06-04T23:04:00.000Z

Þá eru þessi herlegheit búin, sýningin gekk ótrúlega vel og allir stóðu sig rosalega vel, ég er ekki með nákvæma tölu en ég held að við höfum dregið að um 70 manns, það er nokkuð gott. Eftir sýningun þegar ég var búinn að kyssa alla ættingjanna skáluðum við í kampavíni, þaðan lá leið okkar heim til Hall og Heiðrúnar í partý. Við vorum þar til svona 1, pöntuðum okkur pizzu og fórum svo niður á Ölstofuna, Ásgerður búningastýra vinnur þar svo við fengum að vera þar eftir lokunm við vorum orðin shitt full og fórum kl rúmlega 2 heim til Hrólfs, þar tók við annað partý þar sem Færeyingurinn Kristian spila á gítar og við sungum, það er satt að allir færeyingar spila á gítar, ég spurði. Við vorum orðin ferlega full og partíðið endaði kl 5 þegar við fórum og hjálpðum hrólfi að pakka og að finna passann sinn því hann var á leiðinni útá flugvöll til að fljúga til frakklands að syngja á tónleikum. Ég kom heim kl tæplega 6 en verst fyrir mig að ég var að fara að vinna kl 10 í morgun.

Það var ekki gaman að vakna í morgun. Mér tókst að drösla mér í sturtu en tókst svo að sofna í sturtunni, nokkuð gott! En það var samt ótrúlega gott að geta farið í sömu fötunum í vinnuna daginn eftir því það var engin reykingarstybbufýla í fötunum, þægilegt! En um leið og ég var kominn yfir það að vera þreyttur eftir svona 10 kaffibolla var ég farinn að finna fyrir þynku og rétt fyrir lokun var ég gersamlega ónýtur!

Sara mín kemur aftur 12 júní, það fer að styttast í það, jú það er ágætt að vera einn en það er svo depressing að vera einn í langan tíma, þessvegna verður gott þegar hún kemur aftur. En fyrir ykkur sem komust ekki á tónleikana þá er skylda að koma á í ágúst þegar við sýnum þetta aftur en þá tökum við alvöru sviðsetningu og lengri senur í hverri óperu.

Nenni ekki að blogga meira er alltof þreyttur og þunnur, bæjó

Allir að koma a Operu!!!

2007-06-01T00:33:00.000Z

Allir að koma og hlusta á okkur krakkana í sumaróperunni í hafnarborg í hafnarfirði sunnudaginn 3 júní næstkomandi, núna um helgina. Þetta verður frábær sýning og ekki lengur en klukkutími fyrir þá sem nenna ekki að vera lengi. 2000 kall inn og 1500 fyrir námsmenn, ég syng eitt aðalhlutverkið í Rinaldo og tríó í Fairyqueen og svo er ég í kórnum í næstum öllu hinu. Þið verðið að koma og styrkja okkur upprennandi söngvarana, við fáum ekkert fyrir þetta en þetta er bara til að borga undirleikurum og leiga á húsinu.

Endilega kíkjiði ef þið hafið tíma!!

Gott að vera laus við þessar kjellingar!!

2007-05-26T21:05:00.000Z

Ahh hvað það er gott að vera laus við þessar kjellingar, voru samtölin sem fleygðu fram og til baka í litlu íbúðinni Rúnars og Adams í gærkvöldi, ekki það að ég sé eitthvað sammála því en svona segja víst drukknir, konulausir karlmenn til að sýnast... tja karlmennskulegir. Já stelpur við meinum ekkert með því, við þurfum bara að hleypa karlmennskusvíninu út að leika svona öðruhverju svo við getum verið ofur elskulegir við ykkur þegar þið komið aftur.

Ég er konulaus, Rúnar er konulaus og meðleigjandalaus og Eiki er bara alveg konulaus yfir höfuð, að sjálfsögðu af eigin vali. Við pöntuðum pizzu drukkum bjór og spiluðum Mortal Kombat og Fifa Street, og spjölluðum um kjellingar. Eftir nokkuð marga bjóra og nokkuð marga tölvuleiki fórum við í bæinn, tókum taxa og stoppuðum hjá fyrstu skvísunum sem við sáum. Fórum samt bara inn á glaumbar og fengum okkur nokkra drykki, þegar það var orðið frekar dauflegt fórum við á hressó og þegar það var orðið dáldið dauflegt fórum við aftur á glaumbar og svo framvegis... Hvað okkur datt ekkert annað í hug! Svo vorum við líka fullir og skrítnir. Eftir nokkra göngutúra fram og til baka var rúnar orðinn dáldið fullur og Eiki var orðinn svoldið týndur, en hvað um það.

Svoldið skrýtið kom fyrir mig á glaumbar. Ég var í mestu makindum á klóstinu og spjallandi við meðpissendur mína og þá kemur til mín maður sem ég var búin að sjá á dansgólfin (ok ég áttaði mig á því að þetta hljómar eins og eitthvað gay sé að fara að gerast en það var ekki þannig) og við förum að spjalla. Hann segir mér að hann sé smiður og segir mér að honum dauðvanti fólk í smíðavinnu, hann spyr mig hvort ég sé að vinna í sumar og hvar ég segi honum að ég sé að vinna í Byko við Hringbraut en ég hafi nú takmarkað vit á smíðum en ef honum vantar málara þá er ég hans gaur. Eitt leiddi að öðru og hann er búin að bjóða mér starf við smíðar, á 1250 kall á tímann, sem er mikið betra en 800 kallinn sem ég fæ núna. Ég til segi ég honum, hann Þekkir víst Rúnar fyrrverandi versunarstjóra og Tona núverandi verslunarstjóra og hann ætlar að hringja í þá og fá meðmæli og hringja svo í mig, eða ég myndi hringja í hann ef hann myndi ekki hringja aftur eftir helgi, og við skiptumst á símanúmerum. Vá af öllum stöðum sem mér hefur verið boðið vinnu þá er þetta furðulegasti staðurinn og verður seint toppað! Þegar ég var að reyna að segja strákunum að mér hefði verið boðin vinna inn á klóstetti sögðu þeir, ha hvað að við að þrífa klósett og skúra?

Fleiri konulausir um þessa helgi eru Toni Verslunarstjóri og Valdi í timbursölunni skemmtið ykkur strákar meðan það er enn tími.

Kveðja Steini konulausi.

Húsnæðisvesen

2007-05-23T16:06:00.000Z

Jæja ég heyrði frá Söru í dag, það er nefnilega held ég 6 tíma mismunur, og hún sagði mér að hún væri að fara í frumskóginn, þar tekur við fílareiðar og allt svoleiðis, ég talaði samt svo stutt við hana að ég frétti ekki meira, það er svo dýrt að tala í síma.

Okkur vantar íbúð, við erum búin að gefast upp á að reyna að finna íbúð til leigu á sæmilegu verði, við erum ákvein í að kaupa bara íbúð. Íbúðin sem við búum í núna var seld til annars manns sem ætlaði að leigja hana áfram, en ákvað að hækka leiguna úr 70.000 í 95.000!! Það er ekki að ræða það að við borgum svo mikið í leigu. En til allrar hamingju fundum við íbúð á viðráðanlegu verði en hún var leigð á 85.000 af fyrri eigendum og með henni fylgdi lítið herbergi á háaloftinu sem við máttum leigja út svart á svona 15-20.000. En NEI!! þá fengum við svar í Emaili að leigusalinn ætlaði að leigja hana á 110.000!! glætan spætan!
Það er fáránlegt að það er ekki hægt að finna íbúð hér í bæ á viðráðanlegu verði fyrir námsmenn annað en 30m2 stúdíóíbúð. Nota bene að við komumst aldrei inn stúdentagarða þó að Ég sé í Listaháskólanum og Sara í Háskóla Íslands. Einhver sagði mér að það væru íbúðir á hersvæðinu í Keflavík til leigu fyrir námsmenn á ótrúlega góðu verði og strætóferðir á milli, en ég er ekki alveg tilbúinn að sitja í strætó í klukkutíma á morgnanna.

Ég læt ykkur vita þegar ég finn einhverja góða íbúð til sölu hér í Reykjavík og posta ykkur hlekkinn til að fá ykkar skoðun.

Bæbbs

Einn og yfirgefinn... buhu

2007-05-22T18:35:00.000Z

Jæja nú er sara mín tælandi.. meina Í tælandi og mér leiðist duldið, svo ég ákvað að stofna bloggsíðu fyrir okkur saman, hún veit það ekki því að ég er ekki búinn að heyra í henni síðan á sunnudagin þegar ég skutlaði henni á flugvöllinn, hún er sennilega einhverstaðar í frumskóginum ríðandi á fílum, kannski ekki í símasambandi.

EN ég er góður, það er svo mikið að gera hjá mér í vinnunni og í sumaróperunni að ég fæ engan frið til að slaka á. við erum um það bil hálfnuð með æfingar og sýningin verður 3 júní. Ég veit það virðist vera dáldið stuttur tími til að æfa 5 óperur, eða senur úr 5 óperum. ég fer með eitt stórt hlutverk í rinaldo eftir handel sem goffredo sem er konungur kristna manna. og svo syng ég tríó í fairy queen og svo er ég í kórnum í öllum hinum.

í gærkvöldi hélt ég óperuæfingu heima hjá mér. Það var þannig að við mættum öll fyrir framan neskirkju þar sem æfingin átti að vera, en þegar við gengum inn komumst við að því að þar voru tónleikar í gangi og æfing í kjallaranum. hmm, þvílíkt klúður. Á endanum bauð ég bara öllum heim í litlu íbúðina mína og við æfðum þar, ég veit ekki hvort að nágrönnunum hafi staðið á sama en ég fékk allavega engar kvartanir :o)

ok nóg blogg í dag, sara kemur ekki heim fyrr en eftir 3 vikur, þannig að þangað til mun ég bara blogga, heyrumst!!